1. Pater cruōrem [= sanguinem] in faciē fīliī cōnspicit [= videt].
2. Nōn sine causā Sextus Mārcum pulsāvit.
3. Sextus, quī tam validus est quam bōs, ā duōbus puerīs pulsātus est; neque enim Mārcus sōlus puerum validiōrem vincere potest.
4. Mārcus sē excūsāre cōnātur: 'Sextus est puer māior et validior.'
5. Bōs est animal quod cornua gerit in fronte.
6. Mārcus tam sordidus est quam porcus.
7. Iūlius iam satis audīvit dē pugnā puerōrum.
8. Iūlius: 'Nōlī mihi plūs nārrāre dē illā pugnā indignā!'
9. In cubiculō suō Mārcus vestem sordidam pōnit et aliam vestem pūram induit: Mārcus vestīmenta mūtat.
10. Interim [= dum haec aguntur] Aemilia ātrium intrat.
11. Solum ātriī sordidum est; māter sordēs in solō cōnspicit.
12. Aemilia: 'Aliquis pedibus sordidīs in solō mundō ambulāvit!'
13. Iūlius 'porcum ātrium intrāvisse' ait [= dīcit].
14. Aemilia: 'Quid ais?' Iūlius: 'Porcum intrāvisse āiō.'
15. Aemilia: 'Ain tū?'