1. Iūlius baculum sūmēns 'Ō Mārce!' inquit, 'iam tē verberātūrus sum [= verberābō]!'
2. Iūlius dīcit 'sē Mārcum verberātūrum esse.'
3. Mārcus: 'Nōlī mē verberāre! Iam bonus puer futūrus sum [= erō] nec umquam sorōrem meam pulsābō.'
4. Mārcus prōmittit 'sē iam bonum puerum futūrum esse nec umquam sorōrem suam pulsātūrum esse.'
5. Iūlius nōn crēdit eum prōmissum factūrum esse.
6. Magister virgam prōmit ac discipulōs verberātūrus est [= verberābit].
7. Discipulī: 'Nōlī nōs verberāre, magister! Iam tibi pāritūrī sumus [= pārēbimus].'
8. Discipulī prōmittunt 'sē iam magistrō pāritūrōs esse.'
9. Magister nōn crēdit eōs prōmissum factūrōs esse.
10. Magister calamum prōmit quia scrīptūrus est [= scrībet].
11. Mārcus interrogat: 'Quid tū scrīptūrus es, magister?'
12. Magister respondet 'sē litterās ad patrem Mārcī scrīptūrum esse': 'Litterās ad patrem tuum scrīptūrus sum.'
13. Tandem Iūlius intellegit uxōrem suam rūrsus mātrem futūram esse.
14. Aemilia dīcit 'sē semper īnfantem sēcum habitūram esse.'
15. Syra: 'Quīntus numquam ab eō medicō sānābitur.' Syra dīcit 'Quīntum numquam ab eō medicō sānātum īrī.'