1. Herī magister epistulam ad Iūlium scrīpsit, cum fīlius eius in lūdō dormīvisset, prāvē scrīpsisset nec magistrō pāruisset.
2. Iūlius, cum epistulam magistrī accēpisset et lēgisset, ā fīliō quaesīvit cūr malus discipulus fuisset.
3. Cum Mārcus sē malum discipulum fuisse negāvisset, pater 'Profectō' inquit 'malus fuistī! Nam sī bonus discipulus fuissēs ac magistrō pāruissēs, haec epistula ā magistrō tuō scrīpta nōn esset.' Fīlius tacet.
4. Pater: 'Sī attentē audīvissēs et rēctē scrīpsissēs, tū ā magistrō laudātus essēs neque ego hanc epistulam accēpissem.'
5. Fīlius: 'Etiam sī bonus discipulus fuissem ac magistrō pāruissem, laudātus nōn essem. Sī attentē audīvissem et rēctē scrīpsissem, tū eandem epistulam ā magistrō accēpissēs!'
6. Aliquandō, cum puerī in lūdō dormīvissent, prāvē scrīpsissent nec magistrō pāruissent, magister litterās ad parentēs eōrum scrīpsit.
7. Parentēs, cum litterās magistrī accēpissent et lēgissent, ā fīliīs quaesīvērunt cūr malī discipulī fuissent.
8. Cum fīliī sē malōs discipulōs fuisse negāvissent, 'Certē' inquit pater 'malī fuistis! Nam sī bonī discipulī fuissētis ac magistrō pāruissētis, hae litterae ā magistrō vestrō scrīptae nōn essent.' Fīliī tacent.
9. Parentēs: 'Sī attentē audīvissētis et rēctē scrīpsissētis, vōs ā magistrō laudātī essētis neque nōs hās litterās accēpissēmus.'
10. Fīliī: 'Etiam sī bonī discipulī fuissēmus ac magistrō pāruissēmus, laudātī nōn essēmus. Sī attentē audīvissēmus et rēctē scrīpsissēmus, vōs eāsdem litterās ā magistrō accēpissētis.'
11. Rōmulus, cum mūrōs aedificāvisset [= postquam... aedificāvit], frātrem suum necāvit. Cum frātrem necāvisset, sōlus rēgnāvit.