1. Hic servus est Lēander, ille servus est Syrus.
2. Lēander hunc saccum portat, illum saccum portat Syrus.
3. Hic saccus portātur ab hōc servō, ille ab illō.
4. Saccus huius servī magnus est, illīus est parvus.
5. In hōc saccō māla sunt, in illō pira.
6. Iūlius huic servō mālum dat, illī dat pirum.
7. Haec fēmina est Lȳdia, illa fēmina est Dōrippa.
8. Mēdus hanc fēminam amat, nōn illam.
9. Ab hāc fēminā Mēdus amātur, nōn ab illā.
10. Mēdus amīcus huius fēminae est, nōn illīus.
11. Mēdus huic fēminae ānulum dat, nōn illī.
12. Hoc cubiculum magnum est, illud est parvum.
13. Fenestra huius cubiculī nōn tam parva est quam illīus.
14. Iūlius et Aemilia in hōc cubiculō dormiunt, nōn in illō.
15. Lȳdia: 'Aspice illa ōrnāmenta, Mēde, illōs ānulōs et illās gemmās! Nōnne pulchrī sunt illī ānulī et illae gemmae?'
16. Albīnus: 'Aspicite haec ōrnāmenta, hōs ānulōs et hās gemmās! Nōnne pulchrī sunt hī ānulī et hae gemmae?'
17. Lȳdia: 'Quantum est pretium hōrum ānulōrum et hārum gemmārum?'
18. Mēdus: 'Nec in hīs ānulīs nec in illīs gemmae sunt.'