1. Pāstor in campō est cum cane et centum ovibus.
2. Ūna ovis nigra est, cēterae sunt albae.
3. Pāstor ovibus suīs aquam et cibum dat.
4. Cibus ovium est herba; ovēs herbam edunt, et aquam bibunt ē rīvō.
5. Cibus pāstōris est pānis; pāstor pānem ēst.
6. Post campum montēs sunt; inter montēs sunt vallēs.
7. In campō est parvus collis, in quō ūna arbor est.
8. In silvā multae arborēs sunt.
9. In silvīs et in montibus sunt lupī, quī ovēs edunt.
10. Sōl lūcet; nūlla nūbēs in caelō est.
11. Caelum est suprā terram.
12. In terrā sunt campī et silvae, montēs et vallēs.
13. Sōl lūcet; nūlla nūbēs ante sōlem est.
14. Sub arbore nōn sōl, sed umbra est.
15. Pāstor ad arborem it: pāstor umbram petit.
16. Pāstor ovēs suās ad arborem dūcit.
17. Iam pāstor et ovēs sub arbore iacent.