1. Cūr urbs Rōma in collibus sīve montibus locāta est? Illīc locāta est Rōma quod collēs facile mūnīrī possunt.
2. Quod nōmen est campī quī inter collēs et Tiberim patet? Campus inter Tiberim et collēs patēns 'campus Mārtius' appellātur.
3. Moenia Rōmulī antīquissima quam fōrmam habēbant? Moenia quae Rōmulus aedificāvit fōrmam quadrātam habēbant.
4. Num Rōmulus in domō magnificā habitābat? Immō in parvā casā habitābat Rōmulus.
5. Ubi sita est 'domus Augustāna'? Domus Augustāna in Palātiō sita est.
6. In Capitōliō quod templum clārissimum est? Clārissimum est templum Iovis Capitōlīnī.
7. Illud templum ā quō aedificātum et ā quō sacrātum est? Templum Iovis aedificātum est ā rēge et sacrātum ā cōnsule Rōmānō.
8. Cūr templum Iovis Capitōlīnī iterum sacrātum est? Illud templum iterum sacrātum est, cum incendiō cōnsūmptum esset.
9. Quō imperātor post triumphum ascendit? Post triumphum imperātor in Capitōlium ascendit.
10. Quod templum in summā Arce situm est? In summā Arce situm est templum Iūnōnis Monēta.
11. Ubi situm est Tabulārium? Tabulārium in īnfimō Capitōliō situm est.
12. Quōmodo siccātum est forum Rōmānum? Forum siccātum est cum aqua palūdis cloācā in Tiberim deducta esset.
13. Cūr medium forum appellātur 'lacus Curtius'? Ita dīcitur locus quō Curtius sē in vorāginem praecipitāvisse nārrātur.
14. Quae sunt aedificia pūblica amplissima in forō Rōmānō? Aedificia Forī amplissima sunt duae basilicae, Aemilia et Iūlia.
15. Quō senātus Rōmānus convenīre solet? Senātus Rōmānus in Cūriam convenīre solet.