1. Quārē Iuppiter Mercurium Karthāginem mīsit? Iuppiter Mercurium eō mīsit cum 'Aenēam in Āfricā morārī' audīvisset.
2. Quid Iuppiter Mercuriō mandāvit? Mercuriō mandāvit ut Aenēam ex Āfricā proficīscī iubēret.
3. Quālem Mercurius Aenēam invēnit? Mercurius Aenēam amictū purpureō indūtum arcem aedificantem invēnit.
4. Quid Aenēās deī imperiō attonitus sē interrogābat? Aenēās sē interrogābat 'quid ageret?' et 'quibus verbīs rēgīnam adīret?'
5. Quid sociīs suīs mandāvit? Trōiānīs mandāvit ut classem clam ōrnārent.
6. Quō annī tempore Trōiānī nāvigāre parābant? Trōiānī hībernō tempore nāvigāre parābant.
7. Quōmodo Dīdō cōnsilia Aenēae cognōvit? Fāma eī dētulit 'classem Aenēae armārī'.
8. Quid Dīdō hospitem suum ōrāvit? Dīdō Aenēam ōrāvit ut suī miserērētur et mentem mūtāret.
9. Quōs hostēs rēgīna timēbat? Dīdō gentēs Libyae et frātrem Pygmaliōnem timēbat.
10. Coniugēsne erant Aenēās et Dīdō? Aenēās et Dīdō coniugēs nōn erant nec Aenēās Dīdōnī coniugium prōmīserat.
11. Cūr Aenēās in Italiam proficīscī cupiēbat? Aenēās proficīscī cupiēbat quod diī eum Italiam petere iubēbant.
12. Quam grātiam Dīdō sibi referendam esse putābat? Grātiam sibi referendam putābat quod Trōiānōs servāverat.
13. Quid rēgīna sē spērāre dīxit? Dīxit 'sē spērāre Aenēam in mediīs scopulīs peritūrum esse.'
14. Cūr Aenēās nihil ad haec respondit? Aenēās respondēre nōn potuit quia Dīdō sermōnem abrūpit et eum relīquit.
15. Quō famulae rēgīnam collāpsam ferunt? Famulae rēgīnam collāpsam suscipiunt et in thalamum ferunt.