1. Quōmodo Trōiānī iussa deōrum exsequuntur? Trōiānī studiōsē labōrantēs iam nāvēs refectās dēdūcunt.
2. Quid vīdit Dīdō ex summā arce prōspiciēns? Dīdō lītus et mare hominum et nāvium plēna vīdit.
3. Num Aenēās precibus rēgīnae commōtus est? Aenēās nec precibus nec flētū rēgīnae commōtus est.
4. Quid tum īnfēlīx Dīdō facere cōnstituit? Dīdō morī cōnstituit, cum eam vītae taedēret.
5. Quae prōdigia eam terrēbant? Vīnum in cruōrem mūtātum vīdit et noctū vōcem Sychaeī vocantis audīvit.
6. Quid Dīdō sorōrem suam rogāvit? Dīdō sorōrem rogāvit ut altum rogum ērigeret.
7. Quās rēs super rogum pōnī iussit? Arma et exuviās Aenēae lectumque iugālem super rogum impōnī iussit.
8. Num Anna cōnsilium sorōris intellēxit? Anna nōn intellēxit sorōrem ipsīus fūnus parāre
9. Ubi Dīdō deōs precābātur? Iūxtā altāria Dīdō deōs precābātur.
10. Noctū dum aliī dormiunt quid ēgit rēgīna? Dubitābat utrum Trōiānōs supplex comitārētur an classe eōs persequerētur.
11. Cūr Trōiānōs classe persequī nōluit? Dīdō recūsāvit cīvibus suīs imperāre ut urbem novam relinquerent.
12. Quī deus Aenēae in somnīs appāruit? Mercurius deus Aenēae dormientī appāruit.
13. Quid Mercurius Trōiānōs facere iussit? Mercurius Trōiānōs sine morā fugere iussit.
14. Quōmodo Aenēās fugam festīnāvit? Aenēās fūnēs nāvium nōn solvit, sed incīdit.