1. Uter rēx bellicōsior fuit, Rōmulusne an Tullus?
2. Uterque rēx bellicōsus fuit, neuter eōrum pācem servābat.
3. Discordia fuit inter Rōmānōs et Albānōs, cum utrīque [: et Rōmānī et Albānī] praedās ex alterōrum/alterīus agrīs ēgissent.
4. Utrimque [= ex utrāque parte] lēgātī ad rēs repetendās missī sunt.
5. Tullus: 'Deōs faciō testēs uter prius populus alterīus populī lēgātōs rēs repetentēs superbē dīmīserit!'
6. Bellum utrimque omnibus vīribus parābātur.
7. Ante pugnam Mettius 'Ineāmus viam' inquit, 'quā sine multō sanguine utrīusque populī dēcernī possit utrī utrīs imperent.'
8. In utrōque exercitū erant trigeminī frātrēs, Horātiī Cūriātiīque; eōs rogant rēgēs 'ut utrīque prō suā patriā dīmicent'.
9. Neutrī [: nec Horātiī nec Cūriātiī] recūsāvērunt.
10. Foedus ictum est hīs lēgibus 'ut populus cuius cīvēs eō certāmine vīcissent is alterī populō cum bonā pāce imperitāret.'
11. Rōmānī et Albānī utrīque/utrimque suōs adhortābantur.
12. Cum singulī superessent, alter incolumis fuit, alter vulnerātus.
13. Post pugnam utrīque suōs mortuōs sepeliunt.