1. Lēgātīs Saguntīnīs intrōductīs [= inductīs], senātuī placuit 'lēgātōs Saguntum mittī, quī Hannibalī dēnūntiārent [= imperārent] ut ā Saguntīnīs, sociīs Rōmānōrum, abstinēret!'
2. Lēgātiōne dēcrētā necdum [= nec adhūc] missā, Hannibal Saguntum aggressus est, agrīs circā pervāstātīs [= funditus vāstātīs].
3. Ubi duo mūrī iungēbantur angulus erat quī in plānam [= aequam] vallem vergēbat [= spectābat, versus erat].
4. Adversus eum Poenī vīneās [tēcta mīlitum] ēgērunt, sub quibus arietēs [māchinās ad mūrōs feriendōs] moenibus admōvērunt, nec vērō mūrum, quī ēmūnītus [= fīrmē mūnītus] erat, quassāre [< quatere] potuērunt.
5. Saguntīnī fortiter obsistēbant [= resistēbant] ac missilibus [= tēlīs (missīs)] hostēs submōvērunt [= remōvērunt].
6. In hōc certāmine tumultuāriō [< tumultus] ipse Hannibal, dum mūrum incautē [= temere] subit, trāgulā [= iaculō] ictus est.
7. Tum nōn multum aberat quīn dēsererētur oppugnātiō [< oppugnāre].
8. Nec vērō Poenī, quī urbem circumsedēbant [= circum obsidēbant], ab apparātū [< apparāre] operum ac mūnītiōnum cessāvērunt.
9. Renovātā pugnā pars mūrī ita quassāta est ut prōcideret [< prō + caderet], sed oppidānī hostēs prōcurrentēs redēgērunt [= retrō ēgērunt].
10. Lēgātī Rōmānī ab Hannibale dīmissī sunt, cum iīs respondēret 'nōn tūtō [adv < tūtūs] eōs Saguntum aditūrōs esse'.
11. Hōc respōnsō irrītātī [= ad īram incitātī] lēgātī Carthāginem profectī sunt, ut Hannibalem dēposcerent [= dēdī exposcerent].
12. Hannō ūnus in senātū Carthāginiēnsī Rōmānīs grātificārī [= grātum facere] temptāvit, cum 'Hannibalem Rōmānīs dēdendum esse!' cēnsēret.
13. Cum is perōrāvisset [= ōrātiōnis fīnem fēcisset], nēmō eī assēnsit.
14. Interim māior in diēs [= māior cotīdiē] fit dēspērātiō [<> spēs] Saguntīnōrum ac minor exspectātiō/expectātiō [< exspectāre] auxiliī, cum tam procul Rōma, ūnica [= ūna et sōla] spēs, esset.
15. Hannibal succīnctus [= cīnctus] armīs et legiōnibus vīvēbat.
16. Dum Rōmānī cōnsultant [= consulunt inter sē], Saguntum exscissum/excissum [= dēlētum] est.