1. Quem nūntium Alorcus Hispānus Saguntīnīs attulit? Alorcus Saguntīnīs pācis condiciōnēs gravēs atque acerbās nūntiāvit.
2. Quid victor Hannibal Saguntīnīs imperāvit? Hannibal iīs imperāvit ut urbe relictā novum oppidum aedificārent.
3. Quōmodo Saguntīnī corpora sua inviolāta servāre poterant? Corpora sua inviolāta servāre poterant sī inermēs Saguntō exīrent.
4. Num Saguntīnī omne aurum et argentum suum Hannibalī dedērunt? Saguntīnī omne aurum et argentum suum in ignem coniēcērunt.
5. Saguntī excidiō nūntiātō quid Rōmānī sentiēbant? Hōc nūntiātō Rōmānī simul maerōre, pudōre, īrā metūque afficiēbantur
6. Utrī cōnsulī Hispānia prōvincia et utrī Āfrica sortibus ēvēnit? P. Cornēliō Scīpiōnī Hispānia, Ti. Semprōniō Longō Āfrica ēvēnit.
7. Quot legiōnēs in eum annum dēcrētae sunt? Utrīque cōnsulī bīnae legiōnēs datae sunt.
8. Iuvenēsne lēgātī in Āfricam missī sunt? Lēgatī māiōrēs nātū Carthāginem missī sunt.
9. Quid lēgātī Rōmānī Carthāginiēnsēs percontātī sunt? Lēgātī percontatī sunt 'pūblicōne cōnsiliō Saguntum oppugnātum esset?'
10. Utrum iūre an iniūriā oppugnātum est Saguntum? Certē Saguntum iniūriā ā Carthāginiēnsibus oppugnātum est.
11. Utrum Carthāginiēnsēs voluērunt, pācemne an bellum? Carthāginiēnsēs nōn pācem, sed bellum cum Rōmānīs voluērunt.
12. Quō Hannibal, Saguntō captō, exercitum in hīberna dēdūxit? Hannibal exercitum suum Carthāginem Novam in hīberna dēdūxit.
13. Posterō annō quod flūmen Hispāniae Hannibal exercitum trādūxit? Posterō annō Hannibal cōpiās suās Hibērum flūmen trādūxit.
14. Quōs montēs trānsgressus est ut in Italiam venīret? Hannibal montem Pȳrēnaeum atque Alpēs trānsgressus in Italiam vēnit.
15. Ubi Hannibal prīmum cum Rōmānīs cōnflīxit? Prīmum ad Tīcīnum flūmen equestrī proeliō cum Rōmānīs cōnflīxit.
16. Quis dux Rōmānus in eō proeliō vulnerātus est? P. Cornēlius Scīpiō in eō proeliō vulnerātus ā fīliō prōtēctus est.
17. Quid Cn. Cornēlius Scīpiō in Hispāniā ēgit? In Hispāniā Cn. Cornēlius Scīpiō prosperē pugnāvit.