1. In Etrūriae palūdibus Hannibal ob continuās vigiliās oculum āmīsit.
2. C. Flāminius cōnsul auspiciīs neglēctīs neque victimīs [= hostiīs] immolātīs adversus Hannibalem profectus est.
3. Ad lacum Trasumennum Hannibal equitēs in īnsidiīs locāvit ad angustiās [< angustus] inter montem et lacum.
4. Via interest perangusta [= valdē angusta], deinde lātior patēscit [= patēns fit] campus, suprā quem montēs assurgunt/adsurgunt [= surgunt].
5. Hannibal levem armātūram [< armātus] post montēs circumdūxit, ipse in campō patentī castra locāvit.
6. Flāminius inexplōrātō [= locō nōn explōrātō] exercitum per faucēs [= angustiās] dūxit in campum, quī dēnsā nebulā operiēbātur.
7. Ex adversō [= ā fronte] tantum hostēs cōnspexit, sed clāmōre undique ortō sē imprōvīsīs [= inexspectātīs] īnsidiīs circumventum sēnsit.
8. Tam repēns [= repentīna] rēs fuit ut vix arma expedīrī [= parāta fierī] possent.
9. Cum cōnsul prae strepitū audīrī nōn posset, sibi quisque dux adhortātorque [< adhortārī] factus est, ac tantō ārdōre pugnābant ut nēmō eōrum sēnserit eum mōtum terrae quī multās domōs prōstrāvit [= dēlēvit].
10. Eques Īnsuber cōnsulem nōscitāns [= agnōscēns] 'Ēn' inquit 'hic est quī agrōs et urbem nostram est dēpopulātus [= populātus]...'
11. Equō calcāribus subditīs [< sub + datīs] per cōnfertōs [= dēnsōs] hostēs impetum fēcit cōnsulemque lanceā [= hastā] trānsfīxit!
12. Rōmānī fugientēs vagī [= vagantēs] dīversīs itineribus Rōmam petīvērunt.
13. Cum populus magistrātūs ē Cūriā ēvocāret, M. Pompōnius praetor [= magistrātus iūdiciīs praefectus] 'Pugnā' inquit 'magnā victī sumus.'
14. Ad portās stetit multitūdō hominum quī aliquōs propinquōs [= cognātōs] suōs aut nūntiōs dē iīs opperiēbantur.
15. Obviīs circumfundēbantur [= obviōs circumsistēbant] nec āvellī [= abripī] poterant priusquam omnia inquīsīvissent/inquīsiissent [= in + quaesīvissent]
16. Duae mātrēs, cum fīliōs suōs sōspitēs [= salvōs] redeuntēs vidērent, nimiō gaudiō exanimātae sunt [= exspīrāvērunt].
17. Alia īnsuper clādēs nūntiāta est: 'C. Centēnium prōpraetōrem [: quī priōre annō praetor fuit] cum IV mīlibus equitum circumventum!'
18. Itaque populus dictātōrem et magistrum equitum creāvit iīsque mandātum est ut mūrī fīrmārent et pontēs flūminum rescinderent [= dēstruerent].
19. Iam Rōmānīs prō urbe dīmicandum erat, quandō [= quoniam] Italiam tuērī nequīverant/nequierant [= nōn potuerant].