1. Dum rēx Antiochus Chalcide mōrātur, M.' Acīlius cōs. exercitum Larīsā Crannōnem et inde porrō [<> retrō] ad faucēs Thermopylārum dūxit.
2. Iugum [= mōns longus] Thermopylārum mediam Graeciam dirimit [= disiungit].
3. Acīlius in faucibus Thermopylārum castra posuit adversus Antiochum, quī castra sua duplicī vāllō permūnīverat [= bene mūnīverat].
4. Antiochus Aetōlīs imperāvit ut verticēs [= culmina] montium īnsīderent [= occupārent], nē Rōmānī callibus [= parvīs viīs] trānsīrent et castra sua circuīrent [= circumīrent].
5. Acīlius, aciē artā [= cōnfertā] fronte īnstrūctā, cōpiās rēgis intrā mūnīmenta pepulit, sed recēdere coāctus esset, nī [= nisi] Catō subsidiō [= auxiliō] vēnisset.
6. Catō enim in iugō Callidromī Aetōlōs incautōs [<> cautōs] atque sōpītōs oppresserat.
7. Macedonēs abiectīs armīs fūgērunt, et rēx cum paucīs sēmiermibus [= nec armātīs nec inermibus] mīlitibus Chalcidem sē recēpit atque inde Ephesum trānsmīsit [= trāiēcit].
8. Acīlius, castrīs ad Hēraclēam mōtīs, equō urbem circumvectus [= circum urbem vectus] est, ut moenia contemplārētur [= intuērētur].
9. Dum urbs quattuor ē partibus oppugnātur, XXIV diēs nocturnus labor diurnō [<> nocturnō] continuātus [< continuus] est.
10. Mediā nocte oppugnātiōne intermissā [<> continuātā], IV vigiliā ā tribus partibus urbem aggressus est, ab ūnā mīlitēs signum exspectābant.
11. Cum iam dīlūcēsceret [= illūcēsceret], signō datō mīlitēs ab eā parte quae dēfēnsōribus carēbat mūrōs integrōs scālīs trānscendērunt!
12. L. Cornēlius Scīpiō, Antiochō in Asiā dēvictō, 'Asiātīcus' appellātus frātrī cognōmine exaequātus [= aequātus] est.
13. Cum L. Scīpiō Asiāticus peculātūs [= fūrtī pecūniae pūblicae] damnātus esset, Tib. Semprōnius Gracchus tribūnus plēbis intercessit [: vetuit].
14. Ob id beneficium ille Cornēliam, fīliam P. Scīpiōnis Āfricānī, dūxit.
15. Rādīx est pars arboris subterrānea sīve pars īnfima montis.