1. Postquam dē genere bellī dīxit, dē quā rē dīcit Cicerō? Deinde Cicerō dīcit dē magnitūdine bellī.
2. Cui imperātōrī Cicerō magnam laudem dēbērī dīcit? Cicerō dīcit 'multum laudis dēbērī L. Lūcullō ut optimō imperātōrī.'
3. Quam urbem ā Mithridāte obsessam L. Lūcullus līberāvit? Lūcullus Cyzicum, urbem clārissimam, obsidiōne līberāvit.
4. Quid Lūcullus in Pontō effēcit? In Pontō Lūcullus Sinōpēn et Amīsum aliāsque urbēs permultās cēpit.
5. Ex rēgnō suō expulsus quō Mithridātēs profūgit? Mithridātēs fugātus in Armeniam ad rēgem Tigrānem profūgit.
6. Quid Rōmānōs in rēge persequendō tardāvit? Collēctiō dīvitiārum quās rēx in Pontō relīquerat Rōmānōs tardāvit.
7. Quōmodo Mithridātēs ā rēge Tigrāne receptus est? Tigrānēs socerum suum diffīdentem cōnfīrmāvit ac recreāvit.
8. Quid effēcit exercitus Rōmānus in Armeniā? Ibi exercitus Rōmānus prīmō prosperē pugnāvit, at tandem victus est.
9. Quae opīniō per animōs gentium barbarārum prvāserat? Barbarī opīnābantur Rōmānōs fānum religiōsissimum dīreptūrōs esse.
10. Cūr mīlitēs Rōmānī ē Pontō prōgredī nōluērunt? Mīlitēs Rōmānī in terrā tam longinquā patriam ac suōs dēsīderābant.
11. Quid tum fēcit Mithridātēs? Mithridātēs in exercitum Rōmānum victōrem impetum fēcit eumque pepulit.
12. Cūr Lūcullus huic calamitātī medērī nōn potuit? Hīc Lūcullus iussū senātūs ā bellō revocātus est.
13. Cui imperātōrī exercitus Rōmānus trāditus est? Exercitus Rōmānus M'. Acīliō Glabriōnī trāditus est.
14. Cūr Cicerō hōc locō multa praeterit? Cicerō calamitātem exercitūs Rōmānī memorāre nōn vult.