Puer dormiēns nihil audit.
Dāvus puerum dormientem excitat: in aurem puerī dormientis clāmat: 'Mārce!'
Mārcus oculōs aperiēns servum apud lectum stantem videt.
Servus puerō frīgentī vestīmenta dat.
Parentēs fīlium intrantem salūtant et ā fīliō intrante salūtantur.
Fīlius discēdēns 'Valē!' inquit.
Corpus valēns nōn dolet.
Medicus caput dolēns sānāre nōn potest.
Piscēs sunt animālia natantia.