Mārcus fīlius Iūliī est. Iūlia fīlia Iūliī est.
Iūlius est vir Rōmānus. Aemilia fēmina Rōmāna est.
Iūlius dominus, Aemilia domina est.
Mēdus servus Graecus est, Dēlia est ancilla Graeca.
Sparta oppidum Graecum est.
Iūlius pater Mārcī est.
Mārcus est fīlius Iūliī et Aemiliae.
Mēdus servus Iūliī est: Iūlius est dominus servī.
Iūlius dominus Mēdī et Dāvī est: Iūlius dominus servōrum est.
Numerus servōrum magnus est.
Dēlia est ancilla Aemiliae : Aemilia domina ancillae est.
Aemilia domina Dēliae et Syrae est: Aemilia domina ancillārum est.
In familiā Iūliī est magnus numerus servōrum et ancillārum.
Aemilia māter Mārcī et Quīntī et Iūliae est.
Mārcus, Quīntus Iūliaque sunt līberī Iūliī et Aemiliae.
Numerus līberōrum est trēs.
Numerus servōrum est centum.
In pāginā prīmā capitulī secundī multa vocābula nova sunt.
Numerus capitulōrum nōn parvus est.