Herī Mēdus ā dominō aufūgit aliquantum pecūniae sēcum auferēns.
Mēdus dominum suum nōn amat, sed ōdit.
Iūlius, quī eum Rōmae latēre [= occultārī] putat, magnum praemium dabit eī quī eum invēnerit priusquam [= antequam] Italiam relīquerit.
Iūlius dīcit 'mulierēs nimis clēmentēs esse ac facile virīs nēquissimīs ignōscere.'
Quidquid dominus imperāvit servō faciendum est.
Solō, vir sapiēns, Athēniēnsibus lēgēs optimās scrīpsit.
Patrem suum necāre scelus inhūmānum est.
Iūlius nōndum senex est ut Nestor, sed adhūc iuvenis ut Paris ille quī Helenam ā marītō abdūxit.
'Quisquis amat valeat!' cantat Orontēs, quī ēbrius est quod nimium [= nimis multum] vīnī pōtāvit.