Priusquam Pompēius, dux ēgregius [=optimus], classī Rōmānae praepositus est, cūncta [=omnia] maria īnfēsta erant praedōnibus quī Rōmānōs ita contemnēbant ut etiam portūs Italiae oppugnārent.
Tanta erat vīs praedōnum ut nēmō iīs resistere posset.
Nēmō sine metū mortis aut servitūtis nāvigābat.
Aliquot [= complūrēs] īnsulae ab incolīs relinquēbantur.
Rōmae frūmentum tam cārum erat ut multī pauperēs fame (= inopiā cibī) perīrent.
Pīrātae, quī aliquandō [= aliquō tempore] Caesarem cēperant, XX talenta seu [= sīve] D mīlia sēstertium ab eō postulāvērunt, sed Caesar, vir superbus, L talenta iīs obtulit.
Tantō pretiō Caesar redēmptus est.
Omnēs amīcī prō beneficiīs grātiās agunt, sed paucī posteā grātiam referre volunt. Vēra amīcitia rāra est.
Difficile est beneficiōrum meminisse.
Fortēs fortūna adiuvat.