Iūlius et Aemilia in vīllā habitant cum liberīs et servīs.
Dominus multōs servōs et multās ancillās habet.
Aemilia in peristȳlō est cum Mārcō et Quīntō et Iūliā.
Iūlia multās rosās in hortō videt et ab Aemiliā discēdit.
Iam Aemilia puellam nōn videt, neque puerī eam vident.
Aemilia: 'Mārce et Quīnte! Vocāte Iūliam!'
Puerī Iūliam vocant : 'Iūlia! Venī!' et Iūlia puerōs vocat : 'Mārce et Quīnte! Venīte '
Iūlia puerōs nōn audit, sed puerī Iūliam audiunt.
Iūlia: 'Cūr puerī nōn veniunt?' Iūlia ex hortō venit cum V rosīs pulchrīs.
Iūlia: 'Vidē rosās meās, māter! Vidēte, puerī!'
Mārcus: 'Rosae pulchrae sunt, puella sine rosīs pulchra nōn est!'
Iūlia cum ūnā rosā discēdit.
Puerī rīdent.
Aemilia: 'Tacēte, puerī! Sūmite rosās et discēdite!'
Puerī rosās sūmunt et discēdunt ; in ātriō aquam sūmunt ex impluviō et rosās in aquā pōnunt.